Historia del Ecclesia Catholic

Le historia del Ecclesia Catholic es le formation, eventos e disveloppamento historic del Ecclesia Catholic al longe del tempore.

Le tradition del Ecclesia Catholic assecura que le Ecclesia Catholic ha comenciate con Jesus Christo e su doctrinas; le tradition catholic considera que le Ecclesia Catholic es un continuation del communitate christian establite per le Discipulos de Jesus. Le Ecclesia considera que su episcopos es le successores del apostolos de Jesus e le chef del Ecclesia, le Episcopo de Roma (etiam cognoscite como le Papa), es le sol successor de Sancte Petro[1] qui ministrava in Roma durante le prime seculo AD post su nomination per Jesus como chef del Ecclesia.[2][3] Al fin del seculo 2, episcopos comenciava a congregar se in synodos regional pro resolver questiones doctrinal e de politica.[4] Le historico Eamon Duffy assecura que al seculo 3, le Ecclesia in Roma poteva mesmo functionar como un corte appellate in questiones doctrinal.[5]

Le christianismo se diffundeva in tote le prime Imperio Roman, con persecutiones causate per conflictos con le religion state polytheiste. In 313, le persecutiones esseran attenuate per le Edicto de Milano con le legalisation del christianismo per le Imperator Constantino I. In 380, sub le Imperator Theodosius, le christianismo deveniva le religion state del Imperio Roman per le Edicto de Thessalonica, un decreto del Imperator que persisterea usque al cadita del Imperio Roman Occidental e, posteriormente, con le Imperio Byzantino (Imperio Roman Oriental), usque al cadita de Constantinopla. Durante iste tempore, le periodo del Septe Consilios Ecumenic, il habeva considerate cinque sedes prime (jurisdictions intra le Ecclesia Catholic) secundo Eusebius: Roma, Constantinopla, Antiochia, Jerusalem e Alexandria, cognoscite como le Pentarchia.

Le battalias de Tolosa preservava le christianitate occidental contra le exercito musulman umayyad, ben que Roma mesme esseva devastate in 850, e Constantinopla assiegeate. Al seculo 11, le relationes jam tenue inter le Ecclesia principalmente greco in le Oriente e le Ecclesia latino in le Occidente disveloppava se in le Schisma Oriental-Occidental, parte per conflicto super le autoritate papal. Le Quarte Cruzata e le sacco de Constantinopla per crusaderos renegate probava esser le ruptura final. Ante e durante le seculo 16, le Ecclesia se engageva in un processo de reforma e renovation. Le reforma del seculo 16 es cognoscite como le Contrareformation.[6] In le subsequente seculos, le catholicismo se diffundeva largemente a travese del mundo ben que ille experientiava un reduction in su controllo super le populationes europee a causa del crescente del protestantismo e anque per causa del skepticism religiose durante e post le Illuminismo. Le Secunde Concilio Vatican in le annos 1960 introduciva le cambios le plus significant in le practicas catholic depost le Concilio de Trento quatro seculos ante.